Sumqayıtda sursat aşkar edilib. Bu haqda 30 aprel tarixində Sumqayıt24 Fövqəladə Hallar Nazirliyinə (FHN) istinadən məlumat verir.
Hadisə şəhərin 6-cı mikrorayon ərazisindəki zibil konteynerində qeydə alınıb. FHN-in minalardan təmizləmə üzrə çevik qrupu hadisə yerinə cəlb edilib.
Əraziyə baxış zamanı aşkar edilmiş sursatların döyüş tətbiqinə yararlı 5 ədəd “F-1” əl qumbarası, 3 ədəd “UZRQM” partladıcısı və 1 ədəd tüstü şaşkası olduğu müəyyən edilib.
Sursatlar zərərsizləşdirilməsi üçün götürülərək kənarlaşdırılıb.
