Xətai Tibb Mərkəzinin cərrahı Vüqar Fərəcli dünyasını dəyişib. Bu haqda 22 yanvar tarixində Sumqayıt24 sözügedən Tibb Mərkəzinə istinadən məlumat verir.
O, 57 yaşında ürək tutmasından vəfat edib.
Vüqar Fərəcli 1967-ci ildə Sumqayıt şəhərində anadan olub. 1984-cü ildə Sumqayıt şəhər 27 nömrəli tam orta məktəbi bitirib. 1992-ci ildə Azərbaycan Tibb Universitetini qırmızı diplomla başa vurub. Bir sıra elmi məqalələri yerli və xarici jurnallarda çap olunub.
1997-2000-ci illərdə Füzuli rayonu Əhmədbəyli hospitalında çalışıb, tibb xidməti polkovnik-leytenantıdır.
II Qarabağ müharibəsi zamanı müxtəlif hospitallarda yaralı əsgər və zabitlərimizə xidmət göstərib.
