Şəhid Orxan Rəhimlinin anım günüdür.
Orxan Rəhimli 1992-ci il 20 iyun tarixində Sumqayıt şəhərində anadan olub. 1997-ci ildə H.Z. Tağıyev qəsəbəsində yerləşən Laçın rayonu, F. Cəfərov adına məktəbə daxil olub. 2008-ci ildə həmin məktəbi bitirib.
Hərbi xidməti başa vurduqdan sonra Quba Texniki Kollecində Yol hərəkətinin təşkili ixtisası üzrə təhsil alıb. 2014-cü ildən N saylı hərbi hissədə müddətdən artıq həqiqi hərbi xidmət (MAXE) hərbi qulluqçusu kimi çalışıb. Aprel döyüşlərinin iştirakçısı olub.
İkinci Qarabağ müharibəsində Füzuli, Cəbrayıl, Hadrut, Zəngilan, Qubadlı, Kəlbəcər və Laçının azadlığı uğrunda vuruşub. O, 28 iyun 2021-ci ildə Laçın rayonu ərazisində “KamAZ” markalı hərbi yük avtomobilinin qəzaya uğraması nəticəsində şəhid olub. Sumqayıt şəhər Şəhidlər xiyabanında dəfn olunub.
Şəhidimiz ailəli idi, Hüseyn və Pəri adında iki övladı var.
Qeyd edək ki, O. Rəhimli ölümündən sonra “Laçının azad olunmasına görə" və "Füzulinin azad olunmasına görə" medallarına layiq görülüb.
