Zəngilan rayonunun Ağalı kəndində nişan mərasimi keçirilib. Sumqayıt24 bu haqda 10 iyul tarixində Azertag.az-a istinadən xəbər verir.
30 ildən sonra Ağalıdakı ilk nişan mərasimi Məmmədovlar ailəsinə nəsib olub. Sumqayıt şəhərindən olan Dünyamalıyevlər ailəsi el adəti ilə Ağalıya, Məmmədovlar ailəsinə elçi gəliblər. Valideynlərin də xeyir-duasını alan Rüfət və Arzu üçün nişan qurulub.
Qeyd edək ki, mərasim Ağalı kəndinin mərkəzində yerləşən şənlik evində keçirilib. Burada ailələrlə yanaşı, Şərqi Zəngəzur İqtisadi rayonu üzrə xüsusi nümayəndəliyin əməkdaşları, kənd sakinləri də iştirak ediblər.
