ABŞ-də yaşayan sumqayıtlı gənc intihar edib. Sumqayıt24 bu haqda 6 fevral tarixində xəbər verir.
Əvvəllər Kaliforniyanın Kupertino şəhərində məskunlaşmış Şahbaz Abdurrəhmanov Viskonsində həyatına son qoyub. Məlumata görə, o, Sumqayıtda gimnaziyaların birində oxuyub. Daha sonra ADA-nı bitirərək, ABŞ-də təhsilini davam etdirib.
Şahbaz Abdurrəhmanovun yaxın qohumu yazıçı Almaz Ərgünəş sosial şəbəkə hesabında intiharın səbəbinin məlum olmadığını bildirib:
“İstintaq hələ davam edir. Şahbaz çox yaxın qohumumdur. Çox həyat dolu, ağıllı bir gənc olub. Həmişə ədalətin, haqqın müdafiəçisi kimi ətrafda tanınıb. Psixoloji və fiziki durumu çox sağlam idi.
Vəfatından bir gün qabaq anası ilə görüntülü danışıb.
Səhəri günü dostlarından biri onun ölum xəbərini verib. Ruhu şad olsun. Allah valideynlərinə səbr versin.
Hamımız cənazəni kədərlə gözləyirik. Öz məntiqimlə hadisələri təhlil edərkən belə qənaətə gəlirəm ki, Şahbaz özünə qəsd etməyib. İntihar söhbəti yalandır".
