Bakı-Sumqayıt qatarlarının sayı artırılacaq. Sumqayıt24 bu haqda 23 yanvar tarixində xəbər verir.
Sürət qatarları gündəlik 30.000-dən çox insan daşıyır. Nəticədə vaqonlarda yüksək sıxlıq yaranır. "Azərbaycan Dəmir Yolları" ASC problemin həlli yolu ilə bağlı açıqlama verib. Qurumun sözçüsü Sənubər Nəzərova bildirib ki, ADY-nin sərnişin hərəkət vasitələri parkında 9 ədəd 2 mərtəbəli sürət qatarı istismardadır. Qatarlar Bakı-Abşeron dairəvi, Bakı-Ağstafa-Bakı və Bakl-Qəbələ-Bakı istiqamətlərində hərəkət edir:
"ADY 2023-cü ilin dekabrında ilin rekord, 7 milyonuncu sərnişinini daşıyıb. Bu, o deməkdir ki, sərnişinlər mənzilbaşına daha rahat və vaxtında, ən əsası təhlükəsiz çatmaq üçün ADY-yə məxsus qatarlara getdikcə daha çox üstünlük verirlər.
ADY və ‘’Stadler Rail Group’’ arasında imzalanmış müqaviləyə əsasən, sifariş edilmiş 10 yeni sərnişin qatarından 4-ü Bakıya çatdırılıb. Bu qatarlardan ikisi 2024-cü ilin yazında istismara veriləcək. Yeni qatarlarla Bakı-Abşeron dairəvi dəmir yolunda daha çox sərnişin daşımaq və ictimai nəqliyyatın üzərinə düşən yükün əhəmiyyətli dərəcəsini qarşılamaq mümkün olacaq".
