Sumqayıtda piyadalar özlərini və sürücünü təhlükəyə atıblar. Sumqayıt24 bu haqda 15 fevral tarixində Avtosfer.az-a istinadən xəbər verir.
Videodan göründüyü kimi, piyadalar hərəkətin intensiv olduğu yoldan qaçaraq keçiblər. Hətta bir qadın yola baxmadığı üçün qəza riski də yaradıb. Sürücü siqnal verərək xanıma xəbərdarlıq etsə də, o, dayanmaq əvəzinə avtomobilin önünə qaçaraq yolu keçib.
Həmçinin qayda pozan digər bir piyada səki ilə avtomobil yolunu səhv salıb. O, yolun ortası ilə hərəkət edərək sürücülərə çətinlik yaradıb.
Bundan əlavə, avtobusun qarşısından yola qəfil qaçan kişi özünü maşının qarşısına atıb. Sürücü onu vurmaqdan son anda qurtulub.
