Sumqayıt Dövlət Universitetində (SDU) “Technest University” layihəsi çərçivəsində tədbir keçirilib. Sumqayıt24 bu haqda 20 fevral tarixində xəbər verir.
Mentorların iştirakı ilə İnnovasiya və Rəqəmsal İnkişaf Agentliyi tərəfindən təşkil olunan tədbirdə layihədən məzun olmuş və hal-hazırda oxuyan tələbələrlə görüş olub. Rektor dosent Rüfət Əzizov “Technest University”nin əhəmiyyətindən danışıb. Müasir dövrdə vacib olan İKT bacarıqlarının qiymətləndirilməsi, bu sahədə süni intellekt texnologiyalarının geniş istifadə edildiyi vurğulanıb.
Bildirilib ki, sözügedən layihə informasiya və kommunikasiya texnologiyalarının (İKT) inkişafı üçündür. “Technest University” yüzlərlə tələbəyə dəstək olub. Görüşün əsas məqsədi tələbələrin proqramdan əldə etdikləri nəticələr, gözləntiləri ilə bağlı müzakirələrin aparılması və İRİA tərəfindən dəvət olunan şirkətlərin insan resursları nümayəndələrinin iş sahələri ilə bağlı məlumat verməklə yanaşı, potensial tələbələrlə gələcək iş həyatları barədə danışıqların aparılmasıdır.
