Azərbaycan Qida Təhlükəsizliyi Agentliyi (AQTA) Sumqayıtda ticarət və ictimai iaşə müəssisələrində monitorinq keçirib. Bu haqda 1 may tarixində Sumqayıt24 xəbər verir.
Yoxlama COP29 konfransının keçirilməsi ilə əlaqədar təşkil olunub. İlkin mərhələdə şəhərdə yerləşən keytrinq, hotel və sanatoriyalarda qida təhlükəsizliyi vəziyyətinin öyrənilməsi üçün müvafiq qiymətləndirmə aparılıb. Sahibkarlarla bu istiqamətdə maarifləndirilmə işləri həyata keçirilib.
Eyni zamanda sözügedən qiymətləndirmədə iştirak edəcək müfəttişlərə tədbirlə əlaqədar müxtəlif mövzularda təlimlər təşkil edilir.
