“Kimyaçı” Mədəniyyət Sarayında Sumqayıtın 75 illik yubileyinə həsr olunmuş musiqi festivalı keçirilib. Bu haqda 13 may tarixində Sumqayıt24 xəbər verir.
Tədbir Abşeron–Xızı Regional Mədəniyyət İdarəsi tərəfindən təşkil olunub. Festivalda 2 nömrəli Uşaq İncəsənət Məktəbinin şagirdləri iştirak ediblər. Məktəbin bədii rəhbəri Firəngiz Xəlilova olan “Şəfəq” xor kollektivi; bədii rəhbəri Asəf Amanov olan xoreoqrafiya şöbəsi; bədii rəhbəri İlham Həsənov olan xalq çalğı alətləri orkestri; bədii rəhbəri Mailə Zeynalova olan simli alətlər ansamlı; xadəndə şöbəsindən Əsgər İsmaylovun şagirdi Nuray Şahsuvarlı və Cəmilə Əliyevanın şagirdi Zəhra Baxışova musiqi nömrələri ilə çıxış ediblər.
