Bakı-Quba avtomobil yolunda 2 nəfərin xəsarət alması ilə nəticələnən avtoqəza baş verib. Bu haqda 24 fevral tarixində Sumqayıt24 Report.az-a istinadən məlumat verir.
Hadisə yolun Sumqayıt şəhərindən keçən hissəsində qeydə alınıb. Qəza zamanı Sumqayıt şəhər sakini, 47 yaşlı Fikrət Bayramovun idarə etdiyi "VAZ-2107" markalı avtomobillə Abşeron rayon sakini, 48 yaşlı Əli Məmmədovun idarə etdiyi "Kia" markalı maşın toqquşub. Nəticədə "VAZ"ın sürücüsü və sərnişini – Sumqayıt şəhər sakini, 41 yaşlı Namiq Əhmədəliyev xəsarət alıblar.
Faktla bağlı araşdırma aparılır.
