Fövqəladə Hallar Nazirliyinin Sumqayıt Regional Mərkəzi təlim keçirib. Sumqayıt24 bu haqda 27 iyun tarixində xəbər verir.
Təlim “İstehsalat sahələrində mümkün fövqəladə hadisələr zamanı zərərçəkmişlərin xilas edilməsi” mövzusunda olub. Məqsəd xilasetmə işlərinin təşkili və aparılması qaydaları, o cümlədən istehsalat sahələrində mümkün qəzalar zamanı xilasetmə işlərinin aparılması üzrə xilasedicilərin bilik və bacarıqlarının artırılması, xilasetmə qrup komandirlərinin effektiv idarəetmə vərdişlərinin təkmilləşdirilməsidir.
Praktika vaxtı xilasedicilər şərti qəza baş vermiş istehsalat sahəsində “köməksiz qalan zərərçəkmişləri xilas edib, onlara ilkin yardım göstəriblər”.
Sonda təlimin nəticələri təhlil edilib, müvafiq tapşırıqlar verilib.
