Sumqayıtda “İnzibati binalarda baş vermiş yanğınların söndürülməsi və insanların təxliyəsinin düzgün təşkili” mövzusunda yanğın-taktiki təlim təşkil olunub. Sumqayıt24 bu haqda 26 avqust tarixində xəbər verir.
Təlim Fövqəladə Hallar Nazirliyinin Dövlət Yanğından Mühafizə Xidməti tərəfindən Sumqayıt Dövlət Universitetində keçirilib. Əsas məqsəd çoxmərtəbəli binalarda baş verən yanğın zamanı yanğın-xilasetmə qüvvələrinin qarşılıqlı fəaliyyətinin təkmilləşdirilməsi, həmçinin bu kimi obyektlərdə mümkün yanğınların söndürülməsi vərdişlərinin və xilasedicilərin peşəkar bacarıqlarının gücləndirilməsindən ibarət olub.
Təlimdə şərti yanğın yerinə operativ çatan Sumqayıt şəhər Yanğından Mühafizə İdarəsinin işçiləri “təhlükəli ərazidən” təxliyə edilməsi, “yanğın” yerində çevik kəşfiyyatın aparılması və “yanğının söndürülməsi” əməliyyatlarını yerinə yetiriblər.
Sonda yanğından mühafizə bölmələrinin fəaliyyəti müzakirə olunub, müvafiq tapşırıqlar verilib.
