Yataqxanadakı yanğında zərər çəkən ailələrinin sayı açıqlanıb. Sumqayıt24 bu haqda 18 yanvar tarixində xəbər verir.
Qaçqınların və Məcburi Köçkünlərin İşləri üzrə Dövlət Komitəsindən bildirilib ki, hadisə barədə məlumat alınan kimi qurumun aidiyyəti struktur bölməsinin rəhbər şəxsləri əraziyə yollanıblar.
Ziyan dəymiş yaşayış sahəsində 11 məcburi köçkün ailəsi yaşayırdı. Hazırda qurumun rəhbərliyi hadisə yerindədir, siyahıyaalınma aparılır. Müvafiq tədbirlər görüləcək.
Qeyd edək ki, binada ümumilikdə 35 ailə müvəqqəti məskunlaşıb.
