Sumqayıt Şəhər İcra Hakimiyyətinin başçısı 2 nömrəli Xəstəxanaya baş çəkib. Sumqayıt24 bu haqda 20 fevral tarixində xəbər verir.
Sumqayıt Tibb Mərkəzinin direktoru Elnur Azadxanov tibb müəssisəsindəki mövcud vəziyyətlə bağlı Zakir Fərəcova məlumat verib.
İcra başçısı xəstələrlə həmsöhbət olub, "Azərbaycan Bayrağı" ordenli Birinci Qarabağ müharibəsi qazisi Sultan Bəndəliyevi ziyarət edib.
Bildirilib ki, yeni xəstəxana binasında vətəndaşlara yüksək tibbi xidmətlərin göstərilməsi üçün lazımi infrastruktur qurulub və müəssisə müasir avadanlıqlarla təchiz edilib.
Bundan əvvəl xəbər verdiyimiz kimi, 5 milyon manata tikilmiş tibb ocağında çap qurğusu yoxdur. İnsanlar analizlərinin cavabını almaq üçün başqa xəstəxanalara üz tutmalı olurlar.
