Şəfəq qəsəbəsində elektrik enerjisinin verilişi bərpa olunmayıb.
Ərazidə dekabrın 8-dən etibarən işıq sönüb. “Azərişıq” ASC qəza baş verdiyini və təmir işlərinin aparıldığını bildirsə də, problem hələ də aradan qaldırılmayıb.
Yerli sakinlər Sumqayit24.az-a bildiriblər ki, qurum süründürməçiliklə məşğuldur:
“Dünəndən “Azərişıq”a zəng edirik. Deyirlər yarım saata təmir işləri yekunlaşacaq və işıq qoşulacaq. Üstündən yarım saat keçir, vəziyyət isə eyni qalır. Təzədən zəng edib soruşuruq və eyni cavabı eşidirik.
Sakinlərin evlərində ciddi xəstəliklərdən əziyyət çəkənləri, körpə uşaqları var. Evlər həddindən artıq soyuqdur.
İndi hansı dövrdür ki, günlərlə işıq yanmasın?”.
Redaksiyamızın əməkdaşı “Azərişıq” ASC-yə sorğu göndərib.
