Kanalizasiya suları küçə boyunca axır, yollar keçilməz vəziyyətə düşüb, ətrafa kəskin üfunət yayılır.
Sumqayit24.az xəbər verir ki, söhbət “Betonzavod” adlanan ərazidən gedir.
Yerli sakinlər bildirirlər ki, mövcud vəziyyət illərdir davam edir. Bu səbəbdən piyadalar yolda hərəkət etməkdə çətinlik çəkirlər, həmçinin ətraf məişət tullantıları ilə doludur.
Şikayətçilər qeyd edirlər ki, çirkab sular bəzən evlərinin altından da axır. Nəticədə, qış aylarında evləri qızdırmaq mümkün olmur:
“Şikayət etməkdən yorulmuşuq. Dəfələrlə aidiyyəti qurumlara müraciət etsək də, hələ də heç bir tədbir görülməyib.”
