Aşura - hicri təqviminin ilk ayı olan məhərrəm ayının 10-cu günüdür. Hicri təqvimi ilə 61-ci ilin həmin günündə (miladi təqvimlə 680-ci ilin oktyabrı) Həzrət Məhəmməd Peyğəmbərin nəvəsi Imam Hüseyn öz yaxın qohumları və silahdaşları ilə Kərbəla səhrasında qətlə yetirilmişdir. Həmin hadisə Kərbala döyüşü və ya Kərbəla hadisələri kimi də tanınır.
İmam Hüseynin öldürüldüyü gün həmin vaxtdan etibarən Aşura günü kimi qeyd edilir. Hər il məhərrəm ayı fərqli günlərə təsadüf edir və 40 gün yas saxlanılır. Aşura günlərində oruc tutmaq məsləhət görülür, digər ibadətlər də bu ayda qüvvədədir.
