Corat-Novxanı bağlar massivində enerji təchizatı normadan xeyli aşağıdır. Bu barədə Sumqayıt24-ə 16 avqust tarixində izləyicilərdən məlumat daxil olub.
Təqdim olunan materiallarda göründüyü kimi, gərginliyi ölçən cihazın göstəricisi 110-165 V(volt) bərabərdir. Elektrik məişət cihazları isə 220-230 V gərginlik diapazonunda işləmək üçün nəzərdə tutulub.
“Bu hal 2 aydan çox davam edir. Məişət avadanlıqları sıradan çıxır. Soyuducunun motoru yanıb, paltaryuyan maşın işləmir. Elektrik enerjisinin təchizatında fasilələr yaranır. “Azərişıq” ASC-nin qaynar xəttinə zəng etmişik, lakin cavab verilmir”, - deyə sakinlər bildiriblər.
