G
Xəbərlərimizi Google-da izləyin
Yeniliklərdən dərhal xəbərdar olun
Abunə ol
Azərbaycanda bu gündən növbəti istilik mövsümünə start verilir.
Sumqayit24.az-ın məlumatına görə, istiliyin verilişi növbəti ilin aprel ayının 15-nə qədər davam edəcək.
Daha öncə xəbər verdiyimiz kimi, “Azəristiliktəchizat” Açıq Səhmdar Cəmiyyəti (ASC) Sumqayıt İstilik Sistemləri İstismarı Sahəsi üzrə 2024-2025-ci illər payız-qış mövsümünə hazırlıq ilə bağlı təmir-bərpa işlərini yerinə yetirib.
Qurumdan Sumqayit24.az-a verilən məlumata görə, görülən işlər çərçivəsində:
- 700 metr müxtəlif diametrli məhəllədaxili istilik xəttləri yenisi ilə əvəz olunub;
- 7 ədəd qazanxanada cari təmir işləri aparılıb;
- 26 qazanxanada yerüstü və yeraltı tüstü yolları təmizlənib, təmir və təftiş olunub;
- Ehtiyyat su çənləri çöküntülərdən təmizlənib;
- 200 ədəd müxtəlif markalı elektrik mühərriki və nasos təmir və təftiş edilib;
- 210 ədəd manometr və termometr yoxlanışdan keçib və kalibrlənib;
- 715 ədəd müxtəlif diametrli siyirtmə təmir və təftiş olunub;
- Qazanxanaların təhlükəsiz işləməsi məqsədilə 119 ədəd müxtəlif diametrli qoruyucu klapan, 140 ədəd əks klapan, 29 ədəd qazkəsici klapan yoxlamadan keçirilib, təmir və təftiş olunub;
- H.Z. Tağıyev qəsəbəsində yeni elektrik kabel xətti çəkilib.
Bundan əlavə, istiliklə təmin olunan bütün məhəllə və mikrorayonlarda 230 istilik kamerası təmizlənib və təmir olunub. Görülən işlərdən sonra ümumi olaraq 43.679 metr istilik xətti hidravlik sınaqdan keçirilib.
