İnşaat üzrə ekspert “Saray” körpüsünün quruluşundan danışıb. Sumqayıt24 bu haqda 17 oktyabr tarixində Demokrat.az-a istinadən xəbər verir.
Memar Muxtar Ərturan bildirir ki, körpülər salınarkən onların topoqrafiyası və geolokasiyası nəzərə alınmalıdır:
“Sumqayıtdan Saray istiqamətinə gedən yolda kanal var. Üzərindən salınan körpü həm də dəmir yolunun üzərindən keçir. Körpünün qurtaracağına yaxın işıqfor qoyulub. Körpünün gücü üzərində iritonnajlı yük maşınlarının dayanmasına hesablanmayıb, 30 saniyə, bir dəqiqə ərzində onlar dayanıb, gözləyə bilməz”.
Ekspertin sözlərinə görə, işıqforun qırmızı işığında bir neçə iritonnajlı yük maşını gözləsə, körpünün ağırlığa dözə biləcəyi inandırıcı deyil.
Qeyd edək ki, hazırda körpüdə iri çöküntü və çatlar var.
