Sumqayıt şəhəri, İnşaatçılar küçəsində qanunsuz tramplin qoyulub.
Bu iddia ilə Sumqayit24.az-a şəhər sakini müraciət edib. Onun sözlərinə görə, sözügedən maneə restoranın önündə yerləşir və sürücülərə çətinlik yaşadır. Ərazinin gecələr işıqlandırılmadığına görə, avtomobil sürücüləri tramplini görmür və üzərindən sürətlə keçirlər. Bu isə qəza riski yaradır, habelə nəqliyyat vasitələrinə ziyan vurur.
“Burada təzə restoran açılıb. Ötən ay obyektin önündən keçən yola qanunsuz olaraq iki tramplin qoyuldu, lakin sonradan biri ləğv edildi. Qaranlıq saatlarda çox çətinlik çəkirik. Ərazini tanımayan sürücülər isə hər an qəzaya düşə bilərlər”, - deyə vətəndaş bildirib.
