Müəyyən ərazilər var ki, yağış yağandan sonra keçilməz olur. Yolu su basır və günlərlə qurumur.
Bu barədə Sumqayit24.az-a Qurd dərəsi yaşayış massivinin sakinləri müraciət ediblər.
Sakinlərin sözlərinə görə, küçənin adı olmadığı üçün ərazi dayanacaqlarla tanınır.
“İllərdir ki, 9-cu dayanacaqdan 6-cı dayanacağa qədər olan yol yararsız vəziyyətdədir. Nəqliyyat vasitələri tez-tez sıradan çıxır. Bəzi yerlərdə sakinlər öz vəsaitləri hesabına yola daş qırıntıları töküb. Dəfələrlə şikayət olunub, çəkiliş də edilib, lakin məsələ hələ də həll olunmayıb”, - deyə şikayətçilər əlavə ediblər.
