Sumqayıt şəhəri, 18-ci mikrorayon ərazisində antisanitariya baş alıb gedir.
Sumqayit24.az-a müraciət edən sakinlər bina 22-nin önündə zibilin qalaqlandığını deyirlər. Onların sözlərinə görə, əvvəllər ərazidə təzə zibil qabları var idi və tullantılar mütəmadi olaraq daşınırdı. Lakin bir neçə ay öncə buraya yekə konteyner qoyulub:
“Zibil aşıb-daşır. Ekskavatorla gəlib yalnız üstdəki tullantıları götürürlər, suyunu isə yerə tökürlər. Adam üfünətə görə buradan keçə bilmir”.
Ərazidə fəaliyyət göstərən gözəllik salonunun əməkdaşları aidiyyəti qurumlara şikayət ediklərini bildirirlər:
“Konteyneri düz salonun önünə çəkiblər. Hər yer zibil içindədir, təmizlik işləri qutunu tam boşaltmır, sadəcə yola verirlər. Antisanitariya səbəbindən müştərilərimiz də qat-qat azalıb.
İcra Hakimiyyətinə, Sumqayıt Təmizlik Departamentinə, Mənzil kommunal istismar sahəsinə də müraciət etmişik. Heç bir tədbir görmürlər”.
View this post on Instagram
