Sumqayıt şəhəri, Qurd dərəsi yaşayış massivinin yolları təmirsizdir.
Sumqayit24.az xəbər verir ki, əhali arasında “27 nömrəli marşrutun yolu” kimi tanınan Ruhulla Axundov küçəsi bərbad vəziyyətdədir. Kələ-kötürlü yollardan nə insanlar, nə də ki ictimai nəqliyyat va minik avtomobilləri rahatlıqla keçə bilir.
“Yolların vəziyyətinə görə özümüz işə, uşaqlarımız isə məktəbə gecikir. Camaat öz hesabına çınqıl tökdürüb, nahamarlıqları bir az düzəldiblər. Amma bu da yetərli deyil. Yağış yağan kimi ərazidə dərin gölməçələr və palçıq yaranır.
Ümid edirik ki, məsul qurumlar 11 minə yaxın əhalisi olan “Qurd dərəsi”ni də yada salarlar!”, - deyə şikayətçilər bildiriblər.
