Sumqayıt şəhəri, 9-cu mikrorayon ərazisində zibil konteynerləri yandırılır. Bu haqda 9 oktyabr tarixində Sumqayıt24 xəbər verir.
Bu hal Dövlət Sosial Müdafiə Fondu şöbəsinin bilavasitə yaxınlığında müşahidə olunur. Ərazidə yerləşən 4 ədəd məişət tullantıları üçün nəzərdə tutulmuş qutu yandırılır. Ətrafı yanıq iyi bürüyür.
Sakinlər bildirirlər ki, bu cür mənzərə ilə mütəmadi olaraq qarşılaşırlar. Yayılan zəhərli tüstülər sağlamlığa mənfi təsir göstərir. Şikayətçilər məsələ ilə bağlı aidiyyəti qurumlardan tədbir görülməsini xahiş edirlər.
