“Saray” körpüsünün yanındakı işıqfor piyadaları çətinə salır. Sumqayıt24 bu haqda 20 dekabr tarixində Xezerxeber.az-a istinadən xəbər verir.
Sumqayıt şəhərini və Saray qəsəbəsini birləşdirən körpü qəzalıdır. Aidiyyəti qurum avtomobillərin sürətli keçidini təmin etmək və körpünün yükünü azaltmaq üçün işıqforu söndürüb (sadəcə sarı işıq yanır). Lakin piyadaların təhlükəsiz keçidi nəzərə alınmayıb, onlar təhlükə ilə üzləşirlər.
Sumqayıt ŞPİ-nin Dövlət Yol Polis Şöbəsinin hərəkətin təhlükəsizliyi üzrə inspektoru Şövqü İsmayılov bildirib ki, müəyyən təkliflər hazırlanıb. Problemin qısa vaxt ərzində həll olunması nəzərdə tutulub.
Şəhər İcra Hakimiyyətindən verilən məlumata görə, aidiyyəti qurumlara təmir işləri ilə bağlı rəsmi məktublar göndərilib. Onların rəyi əsasında zəruri tədbirlər görüləcək.
