Sumqayıtda daha bir avtobus nasazlığa rəğmən fəaliyyət göstərir.
Sumqayit24.az xəbər verir ki, sözügedən avtobus 5 nömrəli marşrut xətti üzrə hərəkət edir. Onun qapısını idarə edən hidravlik mexanizmdə problem yaranıb. Nəticədə mexanizmdən döşəmə və tutacaqlara yağ damır.
“Əlimi dəmirə vurduqda yağa bulaşdım. Yağ insanların başına, paltarına tökülür. İki gün öncə də bu maşına minmişdim, vəziyyət eyni idi. Təmir etmək bu qədər çətindir?”, - deyə şikayətçi bildirib.
Xatırladaq ki, 7 nömrəli avtobusun sərnişinləri də eyni problemlə üzləşiblər.
