Sumqayıtda gələn il "Azərsulfat" MMC-nin zavodu istifadəyə veriləcək. Bu haqda bu gün, 10 dekabr tarixində APA məlumat yayıb.
Məlumata əsasən, mart ayından fəaliyyətə başlayan sulfat turşusu zavodunun illik istehsalat gücü 20 min ton təşkil edəcək.
Zavodda istehsal olunan sulfat turşusunun 7-8 min tonu daxil bazara yönəldiləcək. Istehsalat məhsulunun 7,5 min tonu Gürcüstana, qalan hissəsi isə digər ölkələrə ixrac ediləcək.
"Azərsulfat" MMC Sumqayıt Kimya Sənaye Parkında fəaliyyət göstərəcək.
