“İri Şəhərlərin Birləşmiş Su Təchizatı Xidməti” PHŞ-nin biganəliyi Sumqayıt sakinlərini təngə gətirib.
12-ci mikrorayon, ev 29-da yaşayan vətəndaşlar Sumqayit24.az-a mənzillərində suların tez-tez kəsildiyini bidirirlər:
“5 ildir ki, burada yaşayırıq. Əvəllər də su təchizatında fasilələr olurdu, lakin son 1 il ərzində problemlər artıb. Bizi günlərlə susuz qoya bilərlər, suyun gəldiyi günlərin isə müəyyən qrafiki yoxdur.
Axşam işdən gəlirik çimməyə, əlimizi, üzümüzü yumağa, yemək bişirib, çay içməyə su tapmırıq. Aidiyyəti qurumun qaynar xəttinə dəfələrlə zəng etmişik, hər dəfə qeydə aldıqlarını deyərək, bizi yola veriblər.
Nəhayət bir dəfə usta göndərdilər. Onlar da 4-5 binada təzyiqin aşağı olduğuna görə suyun gəlmədiyini dedilər.
Bizim günahımız nədir? Niyə bununla bağlı heç bir tədbir görülmür? Axı susuz heç bir iş görə bilmərik.”
