Sumqayıt şəhərinin bəzi hissələrində suyun verilişində fasilə yaranıb.
Sumqayit24.az xəbər verir ki, bu barədə Sumqayıt Sukanal İdarəsi məlumat yayıb.
Məlumata görə, Ceyranbatan qəsəbəsi ərazisində magistral d1000mm-lik su kəmərində baş vermiş qəza ilə əlaqədar Sumqayıt şəhərinin bir hissəsində su təminatı dayandırılıb.
Qəzanın aradan qaldırılması işləri yekunlaşdıqdan sonra saat 21:00-dan etibarən, suyun verilməsi mərhələli şəkildə həyata keçiriləcək.
