Sumqayıt şəhəri, N. Nərimanov küçəsində kanalizasiya lüku açıq vəziyyətdə qalıb.
Sumqayit24.az-a müraciət edən sakinlər bildirirlər ki, lük yolun hərəkət zolağında, 5-ci mikrorayon ərazisinə düşən hissədə yerləşir.
Şikayətçilər açıq qalan lükun yol hərəkəti iştirakçıları üçün ciddi təhlükə yaratdığını vurğulayırlar:
"Xüsusilə axşam saatlarında bu ərazidən keçən piyadalar böyük risklə qarşılaşırlar. Həmçinin bir neçə dəfə avtomobilin təkəri lüka düşərək zədələnib. Bu vəziyyət artıq uzun müddətdir davam edir."
