Sumqayıtda elektrik enerjisinin verilişində məhdudiyyət yaranacaq.
Sumqayit24.az “Azərişıq” ASC-yə istinadən xəbər verir ki, bu gün saat 10:00-dan 12:00-dək 6, 9, 10, 11, 12, 13, 17-ci mikrorayonlarda, eləcə də Corat və Saray qəsəbələrinin, Yaşıldərə yaşayış massivinin bir hissəsində elektrik enerjisinin verilişi dayandırılacaq.
Qeyd edək ki, Sumqayıt Regional Enerji Təchizatı və Satışı İdarəsinə (RETSİ) daxil olan bir sıra ərazilərdə həyata keçirilən yenidənqurma işləri ilə əlaqədar bu gün elektrik xətləri sifarişə əsasən açılacaq. Təmir işləri yekunlaşdıqdan sonra sözügedən ərazilər daha keyfiyyətli elektrik enerjisi ilə təmin olunacaq.
