Sumqayıtda aramsız yağan yağışlar küçəni keçilməz edir.
Bununla bağlı Sumqayit24.az-a yerli sakinlərin müraciətində bildirilib. Qeyd edilib ki, Kamran Hüseynov küçəsində bir neçə saat yağış yağan kimi ərazi piyada və maşınlar üçün keçilməz hala gəlir.
“Hər dəfə yağışdan sonra bura bu vəziyyətdədir. Küçədə suyun axacağı bir yer yoxdur. Yağış yağmasa belə, günlərlə su burada yığılıb qalır. Eyni vəziyyət Mübariz İbrahimov küçəsi boyu da müşahidə olunur. Piyada olaraq hərəkət etmək demək olar ki, mümkün deyil. Xahiş edirik, bununla bağlı tədbir görülsün. Hər gün bu yolu bizim kimi gedib-gələn nə qədər insan var. Yerli camaat çox əziyyət çəkir”, - deyə şikayətçilər əlavə ediblər.
