Xəbər verdiyimiz kimi, Sumqayıt şəhərinin Sülh küçəsində yeni işıqforlar quraşdırılıb.
Lakin sözügedən ərazidə piyadaların yaşıl işıqda hərəkət qaydalarına əməl etməməsi ciddi narazılıq yaradıb. Belə ki, piyadaların işıqfora məhəl qoymaması nəqliyyat vasitələrinin hərəkətinə mənfi təsir göstərir və sıxlığa səbəb olur.
Xatırladaq ki, 7 dekabr tarixində redaksiyamız tərəfindən həmin ərazidə piyada keçidi ilə bağlı sürücülərin ciddi narazılığı gündəmə gətirilmişdi. Belə ki, burada işıqforun olmaması nəqliyyat vasitələrinin hərəkətini çətinləşdirir, yol hərəkətində ləngimələr yaradırdı.
Hazırda isə işıqforların quraşdırılmasına baxmayaraq, bəzi piyadaların yeni qaydalara öyrəşə bilməməsi problemi yenidən aktuallaşdırıb.
Video: Sumqayit.fotolarda
