Sumqayıtda ictimai müzakirə baş tutub. Sumqayıt24 bu haqda 2 oktyabr tairixində xəbər verir.
"İnsan alveri və məişət zorakılığına qarşı mübarizə” mövzusunda tədbir "Qadın Təşəbbüsü və Sosial Problemlərin Həllinə Yardım” İB tərəfindən təşkil olunub. Müzakirəyə İcra Hakimiyyəti başçısının müavini, gender zorakılığı və uşaqlara qarşı zorakılığın qarşısının alınması üçün yaradılan monitorinq qrupunun sədri Ülviyyə Müzəffərova, müxtəlif dövlət qurumlarının nümayəndələri qatılıblar.
Ü. Müzəffərova ölkəmizdə insan alveri və məişət zorakılığına qarşı mübarizə, zorakılığın səbəb olduğu mənfi hüquqi və sosial nəticələrin qarşısının alınması, zərərçəkmiş şəxslərin sosial müdafiəsi istiqamətində həyata keçirilən tədbirlərdən danışıb. Məişət zorakılığına səbəb olan halların aradan qaldırılması üçün cəmiyyətin maarifləndirilməsinin vacibliyi vurğulanıb.
İB-nin sədri Zenfira Mustafayeva və digər çıxışçılar insan alveri və məişət zorakılığının bəşəriyyətin ən böyük problemlərindən olduğunu diqqətə çatdırıblar.
Müzakirə qarşılıqlı fikir mübadiləsi ilə yekunlaşıb.
