Sumqayıt şəhərinin 12-ci mikrorayonunda yerləşən bina baxımsız vəziyyətdədir.
Sumqayit24.az-a müraciət edən vətəndaş bildirib ki, vaxtilə binanın birinci mərtəbəsində dəniz məhsullarının satıldığı "Okean" mağazası fəaliyyət göstərib və obyekt sakinlər arasında məşhur olub.
Hazırda isə "Okean binası" adı ilə yadda qalan tikili şəhərin estetik görkəminə xələl gətirir. Sakinlər binanın təmir olunmasını və ərazinin abadlaşdırılmasını tələb edirlər.
