Sumqayıt şəhəri, 16-cı mikrorayonun yolları bərbad vəziyyətdədir.
Sumqayit24.az-a müraciət edən şəhər sakinləri bildiriblər ki, yaşadıqları ərazidə illərdir təmir işləri aparılmır. Yağış yağan kimi evlərin önündə palçıq, yollardakı çökəkliklərdə isə gölməçələr yaranır.
“Yollar 10-15 gün qurumur. Blokdan çıxan kimi palçığa giririk. Uşaqlar məktəbə, biz isə işə güclə gedirik. Əyin-başımız palçıq içində olur”, - deyə vətəndaşlar qeyd ediblər.
Şikayətçilərin sözlərinə görə, mikrorayondan keçən kanalizasiya xəttində də problem var:
“Kanalzasiya sistemi işləmir. Hər 2-3 gündən bir çirkab sular aşıb-daşır. İnsanlar həyətdə gəzə bilmirlər. Hamı üz tutur başqa, səliqəli məhəllələrə.
16-cı mikrorayon sakinləri olaraq cavabdeh qurumlardan xahiş edirik, problemlərimizə göz yummayın”.
