Sumqayıtda yerləşən “Yaşıldərə” yaşayış massivinin bir hissəsini su basıb.
Sumqayit24.az-a müraciət edən sakinlər bildiriblər ki, problem kanalizasiya sisteminin düzgün işləməməsindən qaynaqlanır:
“Portağal” marketin yaxınlığında tunel var. Oraya tez-tez çirkab sular dolur. Əvvəllər də bu məsələni işıqlandırmışdınız. Gəlib suyu çəkmişdilər. Bu dəfə isə kanalizasiya suyunun üzərinə yağış suları da əlavə olundu. Gördüyünüz kimi yol keçilməz vəziyyətə düşüb. Uşaq, yaşıl, qadın qatar yoluna çıxıb təkrar yola enmək məcburiyyətində qalır”.
Şikayətçilər məsul qurumların məsələni kökündən həll etmək yerinə, yalnız problemin nəticələrini aradan qaldırmaqla məşğul olduqlarını deyirlər.
