Sumqayıtın bir çox ərazisində suyun keyfiyyəti və verilişi ilə bağlı problemlər yaşanır.
Sumqayit24.az-ın sosial şəbəkə hesablarında keçirdiyi sorğuya əsasən, susuzluqdan ən çox 3-cü, 4-cü, 8-ci, 9-cu, 10-cu, 12-ci, 17-ci, 18-ci mikrorayon, 1-ci, 4-cü, 5-ci, 26-cı, 29-cu məhəllə sakinləri əziyyət çəkirlər.
Onların sözlərinə görə, yaşadıqları ərazidə su qeyri-sabit qrafiklə, sutka ərzində cəmi bir neçə saat verilir. Bu isə ev işlərini görməyi mümkünsüz edir.
Şikayətçilərin bir qismi vurğulayıb ki, bir neçə saat verilən suyun keyfiyyəti də ürəkaçan deyil. Onların sözlərinə, krantlardan axan su keyfiyyətsiz və bulanıqdır.
