Sumqayıt şəhəri, Səməd Vurğun küçəsində avtomobillər üçün maneələr əmələ gəlib. Bu haqda 14 sentyabr tarixində Sumqayıt24 xəbər verir.
“Bəhruz” marketinin qarşısında yerləşən yolun hərəkət hissəsində bir neçə dərin çuxur yaranıb. Sürücülərin sözlərinə görə, həmin çuxurlar bir sıra qəzalara səbəb olub.
“Yağışlı havada maneə su ilə dolur, dərinliyi bilmək mümkün olmur. Gündüz vaxtı güclə seçirik, axşam saatlarında isə, ümumiyyətlə, gözə görünmür. Maşınlarımız sıradan çıxır”, – deyə şikayətçilər bildiriblər.
