Son günlərdə Sumqayıt şəhərinin bəzi mikrorayon və yaşayış sahələrinin, o cümlədən Xəzər bağları, H.Z. Tağıyev qəsəbəsi, Kotec, Ceyranbatan və Saray qəsəbələrinin su təchizatında ciddi çətinliklər yaşanır.
Sakinlər xəbərdarlıq edilmədən suyun kəsildiyini və bu vəziyyətin gündəlik həyatlarını çətinləşdirdiyini bildirirlər.
Məsələ ilə bağlı Sumqayit24.az-ın əməkdaşı İri Şəhərlərin Birləşmiş Su Təchizatı Xidmətinə sorğu ünvanlayıb.
Qurumdan Sumqayit24.az-ın sorğusuna cavab olaraq bildirilib ki, intensiv yağışlardan sonra ərazini içməli su ilə təchiz edən magistral su xəttində bulanıqlıq yaranıb:
“Bu səbəblə suyun verilişi dayandırılıb. Əhaliyə verilən içməli suyun təmizlənməsi ilə əlaqədar işlər icra edilib, hazırda işlər yekunlaşıb, magistral xəttə suyun verilməsi bərpa edilib”.
Nəzrin Vahid
