Sumqayıtın mərkəzi çirkləndirilir. Sumqayıt24 bu haqda 22 iyul tarixində xəbər verir.
Şikayətçinin sözlərinə görə, hər axşam Nəriman Nərimanov küçəsində, İcra Hakimiyyətinin yaxınlığında toplaşan gənclər ətrafı zibilləyirlər. Onlar su butulkalarını, yemək paketlərini və günəbaxan tumlarının qabıqlarını yolun ortasına ataraq (tökərək) gedirlər:
“Yaşlı analar, nənələr sübh tezdən duraraq, əziyyətlə ərazini təmizləyirlər. Onlar özləri də məsələnin işıqlandırılmasını xahiş etdilər. Bilmirlər ağac sulasınlar, otu təmizləsinlər, yoxsa nəvələri yaşında olan gənclərin atdıqlarını yığsınlar. Xanımlar insanları şəhəri bilərəkdən zibilləməməyə səsləyirlər”.
