Sumqayıtda tibb ocağının həyəti baxımsız haldadır.
Söhbət 40-cı məhəllədə yerləşən 1 saylı Sumqayıt şəhər Xəstəxanasından gedir. Sumqayit24.az-a müraciət edən sakinlər bildiriblər ki, tibb müəssisəsinin önündən keçən yol dağılıb. Ərazidə iri və dərin çökmələr yaranıb.
“Yağış yağan kimi yolu palçıq bağlayır və həftələrlə qurumur. Bu isə hərəkəti ciddi şəkildə çətinləşdirir. Əslində şəhərin 1 saylı xəstəxanası adlanır, amma gəl ki, həyəti təmirsizdir. Xəstə qohumlarımızın yanına çatana kimi paltarımız palçığa batır. Bəs xəstələrin özləri buradan necə keçirlər? Bunu düşünən yoxdur?”, - deyə vətəndaşlardan biri qeyd edib.
