Yaşıldərə yaşayış massivinin sakinləri bir sıra çətinliklərlə üzləşirlər. Bu haqda 25 iyul tarixində Sumqayıt24 məlumat verir.
Yaşayış massivinin Bəxtiyar Vahabzadə küçəsində antisanitariya vəziyyəti qeydə alınıb. Ərazidə kanalizasiya suları axaraq, gölməçələr müşahidə olunur. Ətrafı üfünət bürüyüb. Həmçinin həmin hissədə məişət tullantıları səpələnib.
“Burada 50-dən çox ailə yaşayır. Öz hesabımıza qazıb boru çəkmişik. Buranı sadəcə yığışdırmaq lazımdır, üfunətdən keçmək olmur. Xəstəlik mənbəyidir. Müvafiq qurumlara müraciət etmişik, lakin nəticə yoxdur”, - deyə sakinlər bildiriblər.
