“Xəzər bağları” yaşayış massivinin sakinləri yararsız yollardan və işıqlandırılmayan küçələrdən narazıdırlar.
Sumqayit24.az xəbər verir ki, Murovdağ küçəsinin sakinləri bildirir ki, yağıntı olanda yağışın suyu kanalizasiya suyuna qarışıb həyətlərə dolur. Bu isə əhalinin hərəkətini çətinləşdirir.
Həmçinin küçədə işıq dirəkləri quraşdırılmayıb. Hava qaraldıqda, ərazi zülmət qaranlığa qərq olur. Şikayətçilər qeyd edirlər ki, dəfələrlə aidiyyəti qurumlara müraciət etsələr də, problemlər hələ də həll olunmayıb.
