Şahmat üzrə “Aimchess Rapid” turnirinin qalibi müəyyənləşib. Bu barədə 22 oktyabr tarixində Sumqayıt24 xəbər verir.
Qrosmeyster Şəhriyar Məmmədyarov ikinci final görüşünü keçirib. O, ikinci dueldə polşalı Yan Kşiştof-Dudanı məğlub etsə də (2,5:0,5), tay-breykdə 0:2 hesabı ilə uduzub. Nəticədə sumqayıtlı idmançı yarışı 2-ci pillədə başa vurub.
Qeyd edək ki, ilk final görüşü polşalının 3:1 hesablı qələbəsi ilə başa çatmışdır.
