“Sumqayıt”da növbəti ayrılıq reallaşıb. Sumqayıt24 bu haqda 25 iyun tarixində Bizim.media-ya istinadən xəbər verir.
Kazimir Ninqa klubu tərk edib. Hücümçunun başa çatan müqaviləsi yenilənməyib. Çad millisinin üzvü olan 31 yaşlı Kazimir son mövsümdə 28 oyun keçirib. O, 7 qola imza atıb.
Bunda əvvəl Abu Dosso, Oktavio Manteka və Erik Sorqa da klubdan gediblər. Çadlı futbolçu isə “Sumqayıt”ın əsas forvardı sayılırdı.
Xatırladaq ki, komandamız Konfrans Liqasına vəsiqə qazanıb. İkinci təsnifat mərhələsində “Sumqayıt”ın rəqibi “Fehervar” kollektivi olacaq. İlk oyun iyulun 25-də baş tutacaq.
