Sumqayıt idmançıları cüdo üzrə beynəlxalq turnirdə iştirak ediblər. Bu haqda 23 fevral tarixində Sumqayıt24 Abşeron-Xızı Regional Gənclər və İdman İdarəsinə istinadən məlumat verir.
Yarış Türkiyənin Rize şəhərində keçirilib. Sumqayıt şəhər İxtisaslaşdırılmış Olimpiya Ehtiyatları Uşaq-Gənclər İdman Məktəbinin yetirmələri turnirdə 3 qızıl, 1 gümüş, 2 bürünc medal qazanıblar.
İdmançıların məşqçiləri Azərbaycan Respublikasının Əməkdar məşqçiləri Zaur Rəcəbli, Mail Hümbətov, Akif Qədimov, Pərviz Baratov və Şəhanə Alməmmədovadır.
