Sumqayıtda “Gənc istedadların müəyyənləşdirilməsi və inkişafı” düşərgəsi başlanılıb. Bu haqda 23 fevral tarixində Sumqayıt24 məlumat verir.
Voleybol Federasiyası tərəfindən keçirilən layihə Sumqayıt Olimpiya İdman Kompleksində təşkil olunub. Burada 40-a yaxın (14 yaşadək) istedadlı qız iştirak edir. Voleybolçular Sumqayıt regional voleybol klubuna daxil olan ətraf bölgələrdə keçirilmiş seleksiya tədbirlərində seçiliblər. İdmançıların daha yaxşı forma toplaması üçün müxtəlif proqramlar həyata keçiriləcək. Gündə 4-7 saat məşqlər keçiriləcək və uşaqlara voleybolun incəlikləri öyrədiləcək.
Düşərgə fervalın 23-dək davam edəcək. Sonda fərqlənəcək istedadlı voleybolçular Bakıda təşkil ediləcək düşərgələrə cəlb olunacaqlar.
